ആര്ദ്രം ആരോഗ്യം: രണ്ടാംഘട്ടം ഇടുക്കി ജില്ലയില് മന്ത്രി വീണാ ജോര്ജ് ആശുപത്രികള് സന്ദര്ശിക്കും
![](https://i0.wp.com/thodupuzhavartha.in/wp-content/uploads/2023/06/veenahealth21623.webp?resize=650%2C345&ssl=1)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ഇടുക്കി: ആര്ദ്രം ആരോഗ്യം’ പരിപാടിയുടെ ഭാഗമായി ആരോഗ്യ വകുപ്പ് മന്ത്രി വീണാ ജോര്ജ് ഒക്ടോബര് നാളെ ജില്ലയിലെ ആശുപത്രികള് സന്ദര്ശിക്കുന്നു. രാവിലെ 9 ന് അടിമാലി താലൂക്ക് ഹെഡ്ക്വാര്ട്ടേഴ്സ് ആശുപത്രി, 11 ന് കട്ടപ്പന താലൂക്ക് ആശുപത്രി, ഉച്ചയ്ക്ക് 2ന് നെടുങ്കണ്ടം താലൂക്ക് ഹെഡ്ക്വാര്ട്ടേഴ്സ് ആശുപത്രി, വൈകുന്നേരം 4.30 ന് പീരുമേട് താലൂക്ക് ആശുപത്രി എന്നിവിടങ്ങളാണ് സന്ദര്ശിക്കുക. എംഎല്എമാരും ജനപ്രതിനിധികള്ക്കും പുറമെ ആരോഗ്യ വകുപ്പ് ഡയറക്ടര് ഉള്പ്പെടെയുള്ള ഉന്നത ഉദ്യോഗസ്ഥരും മന്ത്രിയോടൊപ്പം സന്ദര്ശനം നടത്തും. തുടര്ന്ന് വൈകീട്ട് 4.30ന് അവലോകന യോഗം പീരുമേട് വച്ച് നടക്കും.
കഴിഞ്ഞ തിങ്കളാഴ്ചയാണ് ആര്ദ്രം ആരോഗ്യം പരിപാടി ആരംഭിച്ചത്. കോട്ടയം, ആലപ്പുഴ, എറണാകുളം, തൃശൂര് ജില്ലകളിലെ എല്ലാ താലൂക്ക്, ജില്ലാ, ജനറല് ആശുപത്രികളും മന്ത്രി സന്ദര്ശിച്ചിരുന്നു. തിരുവനന്തപുരം ജില്ലയിലെ വര്ക്കല താലൂക്ക് ആശുപത്രി, ചിറയിന്കീഴ് താലൂക്ക് ഹെഡ്ക്വാര്ട്ടേഴ്സ് ആശുപത്രി, ആറ്റിങ്ങല് താലൂക്ക് ആശുപത്രി, ഇടുക്കി ജില്ലയിലെ തൊടുപുഴ ജില്ലാ ആശുപത്രി എന്നിവിടങ്ങളിലും സന്ദര്ശനം നടത്തിയിരുന്നു. ജീവനക്കാരുമായും രോഗികളുമായും പൊതുജനങ്ങളുമായും ജനപ്രതിനിധകളുമായും നേരിട്ട് ആശയവിനിമയം നടത്തി സത്വര നടപടികള് സ്വീകരിക്കാന് സന്ദര്ശനത്തിലൂടെ സാധിച്ചു.
ആശുപത്രികളില് നടക്കുന്ന വികസന പ്രവര്ത്തനങ്ങള് നേരിട്ട് വിലയിരുത്താനും പോരായ്മകള് പരിഹരിച്ച് സമയബന്ധിതമായി നടപടി സ്വീകരിക്കാനുമാണ് സംസ്ഥാനത്തെ എല്ലാ താലൂക്ക്, ജില്ലാ, ജനറല് ആശുപത്രികളും മന്ത്രി നേരിട്ട് സന്ദര്ശിക്കുന്നത്. ആര്ദ്രം മിഷന് വിഭാവനം ചെയ്യുന്ന സ്പെഷ്യാലിറ്റി, സൂപ്പര് സ്പെഷ്യാലിറ്റി സേവനങ്ങള് ഉറപ്പാക്കുക, നിലവില് നല്കപ്പെടുന്ന സേവനങ്ങളും ജനങ്ങള്ക്ക് അത് അനുഭവവേദ്യമാകുന്നതും വിലയിരുത്തുക, നിര്മ്മാണ പ്രവര്ത്തനങ്ങളുടെ പുരോഗതി അവലോകനം ചെയ്യുക, മാനദണ്ഡപ്രകാരമുള്ള സുരക്ഷാ ക്രമീകരണങ്ങള് വിലയിരുത്തുക, മാലിന്യ സംസ്കരണ സംവിധാനങ്ങളുടെ കാര്യക്ഷമത ഉറപ്പാക്കുക തുടങ്ങിവയാണ് സന്ദര്ശനത്തിന്റെ ഭാഗമായി അവലോകനം ചെയ്യപ്പെടുന്നത
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)