പ്രധാനമന്ത്രി നരേന്ദ്ര മോദി കേരളത്തില്, ആലത്തൂരിലും ആറ്റിങ്ങലിലുമെത്തും
![](https://i0.wp.com/thodupuzhavartha.in/wp-content/uploads/2023/12/PM-Modi-Tops-Global-Leaders-List-Again.jpg?resize=780%2C450&ssl=1?v=1702111228)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം : തെരഞ്ഞെടുപ്പ് പ്രചാരണത്തിനായി പ്രധാനമന്ത്രി കൊച്ചിയിലെത്തി. മൈസൂരുവില് നിന്ന് വിമാനമാര്ഗം രാത്രി പത്ത് ഓടെ കൊച്ചി വിമാനത്താവളത്തിലെത്തിയ മോദി, എറണാകുളം ഗസ്റ്റ് ഹൗസിലാണ് രാത്രി തങ്ങിയത്. രാവിലെ 9 ഓടെ ആലത്തൂര് മണ്ഡലത്തിലെ കുന്നംകുളത്താണ് ആദ്യ പൊതുപരിപാടിയും റോഡ് ഷോയും. ഇവിടെ നിന്ന് ആറ്റിങ്ങല് മണ്ഡലത്തിലെ കാട്ടാക്കടയിലേക്കാണ് നരേന്ദ്ര മോദി പോകുന്നത്. ജനുവരി മുതല് ഇത് ഏഴാം തവണയാണ് മോദി കേരളത്തിലെത്തുന്നത്. പ്രധാനമന്ത്രിക്ക് ഇന്ന് തമിഴ്നാട്ടിലും പൊതുയോഗമുണ്ട്. കേരളത്തിലെ പരിപാടികള് പൂര്ത്തിയാക്കി തമിഴ്നാട്ടില് എത്തുന്ന നരേന്ദ്ര മോദി, വൈകിട്ട് 4:15ന് തിരുനെല്വേലിയില് ബിജെപി പൊതുയോഗത്തില് പ്രസംഗിക്കും. സംസ്ഥാനത്ത് ബിജെപിക്ക് ഏറ്റവും കൂടുതല് ജയസാധ്യത കല്പ്പിക്കപ്പെടുന്ന മണ്ഡലമായ തിരുന്നേല്വേലിയില്, പാര്ട്ടിയുടെ നിയമസഭ കക്ഷി നേതാവ് നൈനാര് നാഗേന്ദ്രന് ആണ് സ്ഥാനാര്ത്ഥി. കഴിഞ്ഞയാഴ്ച നൈനാറുടെ ജീവനക്കാര് ട്രെയിനില് യാത്ര ചെയ്യുന്നതിനിടെ തെരഞ്ഞെടുപ്പ് കമ്മിഷന് ഫ്ലൈയിംഗ് സ്ക്വാഡ് 4 കോടി രൂപ പിടിച്ചത് വിവാദമായിരുന്നു. ഈ വര്ഷം എട്ടാം തവണയാണ് മോദി തമിഴ്നാട് സന്ദര്ശിക്കുന്നത്. മോദിക്ക് നാളെയും തമിഴ്നാട്ടില് പരിപാടികള് ഉണ്ട്. ഈ മാസം 19നാണ് തമിഴ്നാട്ടില് വോട്ടിംഗ്.
രാഹുല് ഗാന്ധി ഇന്നെത്തും
രണ്ടാം ഘട്ട തെരഞ്ഞെടുപ്പ് പ്രചാരണത്തിനായി രാഹുല് ഗാന്ധി ഇന്ന് വയനാട്ടിലെത്തും. രാവിലെ ഒന്പതരയ്ക്ക് നീലഗിരി ആട്സ് ആന്ഡ് സയന്സ് കോളേജില് ഹെലികോപ്റ്റര് ഇറങ്ങുന്ന രാഹുല് ഗാന്ധിക്ക് വയനാട് ജില്ലയില് ആറ് പരിപാടികളാണ് ക്രമീകരിച്ചിരിക്കുന്നത്. ബത്തേരി, മാനന്തവാടി, വെള്ളമുണ്ട, പടിഞ്ഞാറത്തറ എന്നിവടിങ്ങളില് റോഡ് ഷോ നടത്തും. പുല്പ്പള്ളിയിലെ കര്ഷക സംഗമത്തില് രാഹുല് സംസാരിക്കും. ഉച്ചയ്ക്ക് മാനന്തവാടി ബിഷപ്പുമായും രാഹുല് ഗാന്ധി കൂടിക്കാഴ്ച നടത്തും വൈകീട്ട് കോഴിക്കോട് നടക്കുന്ന യുഡിഎഫ് റാലിയിലും രാഹുല് പങ്കെടുക്കും.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)