നിയമ സഹായം തേടിയെത്തിയ അതിജീവിതയെ ബലാത്സംഗം ചെയ്ത കേസ്; മുന് സര്ക്കാര് പ്ലീഡര് പി.ജി മനു ജാമ്യ ഹര്ജി നല്കി
![](https://i0.wp.com/thodupuzhavartha.in/wp-content/uploads/2024/02/Capture-5.jpg?resize=780%2C459&ssl=1?v=1708599357)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കൊച്ചി: നിയമ സഹായം തേടിയെത്തിയ യുവതിയെ ബലാത്സംഗം ചെയ്ത കേസില് റിമാന്ഡില് കഴിയുന്ന മുന് സര്ക്കാര് അഭിഭാഷകന് പി.ജി മനു ജാമ്യ ഹര്ജിയുമായി ഹൈക്കോടതിയെ സമീപിച്ചു. പ്രമേഹ രോഗം വര്ദ്ധിച്ചതിനാല് നിരവധി ആരോഗ്യ പ്രശ്നങ്ങളുണ്ടെന്നും ശസ്ത്രക്രിയ കഴിഞ്ഞ ഇടത് കാലില് സ്റ്റീല് ഇട്ട സ്ഥലത്ത് പഴുപ്പ് ഉണ്ടെന്നതടക്കം ചൂണ്ടികാട്ടിയാണ് ഹര്ജി. അന്വേഷണ സംഘം വിശദമായി ചോദ്യം ചെയ്തെന്നും ഇനിയും ജുഡീഷ്യല് കസ്റ്റഡിയില് ചോദ്യം ചെയ്യേണ്ട സാഹചര്യമില്ലാത്തതിനാല് ജാമ്യം നല്കണമെന്നുമാണ് വാദം. ഹര്ജിയില് ഹൈക്കോടതി സര്ക്കാരിന്റെ നിലപാട് തേടി.
കഴിഞ്ഞ ജനുവരി 31 നാണ് പുത്തന്കുരിശ് ഡിവൈഎസ്പിയക്ക് മുന്നില് പിജി മനു കീഴടങ്ങിയത്. 2018 ല് ഉണ്ടായ ലൈംഗിക അതിക്രമ കേസില് 5 വര്ഷമായിട്ടും നടപടിയാകാതെ വന്നപ്പോള് പോലീസ് നിര്ദ്ദേശപ്രകാരം നിയമ സഹായം തേടിയെത്തിയ യുവതിയെ ഓഫീസിലും വീട്ടിലുമെത്തിച്ച് ബലാത്സഗം ചെയ്തെന്നാണ് പിജി മനുവിനെതിരായ കേസ്. അഭിഭാഷകന് അയച്ച വാട്സ്ആപ്പ് സന്ദേശങ്ങള്, ഓഡിയോ സംഭാഷണം എന്നിവ തെളിവായി പോലീസിന് കൈമാറിയിട്ടുണ്ട്. ബലാത്സംഗം, ഐടി ആക്ട് അടക്കമുള്ള വകുപ്പുകള് ചുമത്തിയാണ് പി.ജി മനുവിനെതിരെ കേസെടുത്തിരിക്കുന്നത്.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)