ബജറ്റ് ടൂറിസത്തിന്റെ ഭാഗമായി കെഎസ്ആര്ടിസി തൊടുപുഴ ഡിപ്പോയില്നിന്ന് മലക്കപ്പാറയ്ക്ക് ഞായറാഴ്ച സര്വീസ് ആരംഭിക്കും
![](https://i0.wp.com/thodupuzhavartha.in/wp-content/uploads/2022/07/WhatsApp-Image-2022-07-23-at-6.13.28-AM.jpeg?resize=686%2C386&ssl=1?v=1658553224)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ബജറ്റ് ടൂറിസത്തിന്റെ ഭാഗമായി കെഎസ്ആര്ടിസി തൊടുപുഴ ഡിപ്പോയില്നിന്നു മലക്കപ്പാറയ്ക്ക് ഞായറാഴ്ച സര്വീസ് ആരംഭിക്കും.രാവിലെ ഏഴിന് പുറപ്പെടുന്ന ബസ് മൂവാറ്റുപുഴ, ചാലക്കുടി വഴി ആതിരപ്പള്ളി, വാഴച്ചാല്, വെറ്റിലപ്പാറ, മലക്കപ്പാറ സന്ദര്ശിച്ച് മടങ്ങിയെത്തും. 650 രൂപയാണ് ടിക്കറ്റ് നിരക്ക്. കേരളത്തിലെ ഏറ്റവും വലിയ എണ്ണപ്പനത്തോട്ടത്തിലൂടെ കടന്നുപോയി കാട്ടാനകള് വിഹരിക്കുന്ന വെറ്റിലപ്പാറയും കടന്ന് ചേതോഹരമായ അതിരപ്പിള്ളി, വാഴച്ചാല് വെള്ളച്ചാട്ടങ്ങളും കണ്ട് 55 കിലോമീറ്റര് ഉള്വനത്തിലൂടെ സഞ്ചരിച്ച് കോടമഞ്ഞിന്റെ മനോഹാരിതയില് പുതഞ്ഞുനില്ക്കുന്ന തേയിലത്തോട്ടങ്ങളുള്ള മലക്കപ്പാറയുടെ സൗന്ദര്യവും ആസ്വദിച്ചാണ് മടക്കം. സഞ്ചാരികള്ക്ക് ഭക്ഷണത്തിനും വിശ്രമത്തിനും സൗകര്യമൊരുക്കിയിട്ടുണ്ട്. തൊടുപുഴ ഡിപ്പോയില്നിന്നു നിലവില് ജില്ലയിലെ ടൂറിസം കേന്ദ്രങ്ങളെ ബന്ധിപ്പിച്ച് ബജറ്റ് ടൂറിസം സര്വീസ് നടത്തുന്നുണ്ട്. കാല്വരിമൗണ്ട്, അഞ്ചുരുളി വഴി വാഗമണ്ണിലേക്കാണ് നിലവില് സര്വീസ് നടത്തിവരുന്നത്. എല്ലാ ഞായറാഴ്ചയും നടത്തുന്ന ഈ സര്വീസ് തുടക്കത്തില്തന്നെ വിജയകരമായിരുന്നു. മലക്കപ്പാറ സര്വീസിനും സീറ്റുകള് മുന്കൂട്ടി ബുക്ക് ചെയ്യുന്നതിന് സൗകര്യം ഏര്പ്പെടുത്തിയിട്ടുണ്ട്. ഫോണ്: 9400262204, 8304889846.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)