Thodupuzha
കാർ ഓട്ടോറിക്ഷയിൽ ഇടിച്ച് 2പേർക്ക് പരിക്ക്
![](https://i0.wp.com/thodupuzhavartha.in/wp-content/uploads/2022/07/IMG-20220708-WA0024.jpg?resize=780%2C470&ssl=1?v=1657296701)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: നിയന്ത്രണം വിട്ട കാർ എതിർദിശയിൽ നിന്നും വന്ന ഓട്ടോറിക്ഷയിൽ ഇടിച്ച് 2 പേർക്ക് പരിക്ക്.ഓട്ടോറിക്ഷയിൽ സഞ്ചരിച്ചിരുന്ന ഈരാറ്റുപേട്ട സ്വദേശി സാഹിറ, (45) കാർ ഓടിച്ചിരുന്ന അലക്കോട് സ്വദേശി ജോണി (65) എന്നിവർക്കാണ് പരിക്കേറ്റത്. വെള്ളി വൈകിട്ട് 4 ഓടെ ഒളമറ്റം കമ്പിപ്പാലം ജങ്ഷനിലാണ് അപകടം. കളിയാർ നിന്നും ഈരാറ്റുപേട്ടയ്ക്ക് പോകുകയായിരുന്ന ഓട്ടോറിക്ഷയിലേക്ക് മുട്ടം ഭാഗത്തു നിന്നും വന്ന കാർ ഇടിച്ചു കയറുകയായിരുന്നു. നാട്ടുകാരാണ് പരിക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ എത്തിച്ചത്.തൊടുപുഴ പോലിസ് സ്ഥലത്തെത്തി മേൽനടപടികൾ സ്വീകരിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)