തൊടുപുഴ: നിയന്ത്രണം വിട്ട കാർ എതിർദിശയിൽ നിന്നും വന്ന ഓട്ടോറിക്ഷയിൽ ഇടിച്ച് 2 പേർക്ക് പരിക്ക്.ഓട്ടോറിക്ഷയിൽ സഞ്ചരിച്ചിരുന്ന ഈരാറ്റുപേട്ട സ്വദേശി സാഹിറ, (45) കാർ ഓടിച്ചിരുന്ന അലക്കോട് സ്വദേശി ജോണി (65) എന്നിവർക്കാണ് പരിക്കേറ്റത്. വെള്ളി വൈകിട്ട് 4 ഓടെ ഒളമറ്റം കമ്പിപ്പാലം ജങ്ഷനിലാണ് അപകടം. കളിയാർ നിന്നും ഈരാറ്റുപേട്ടയ്ക്ക് പോകുകയായിരുന്ന ഓട്ടോറിക്ഷയിലേക്ക് മുട്ടം ഭാഗത്തു നിന്നും വന്ന കാർ ഇടിച്ചു കയറുകയായിരുന്നു. നാട്ടുകാരാണ് പരിക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ എത്തിച്ചത്.തൊടുപുഴ പോലിസ് സ്ഥലത്തെത്തി മേൽനടപടികൾ സ്വീകരിച്ചു.
