കാരിക്കോട്-കുന്നം റോഡിൽ തൊണ്ടിക്കുഴയ്ക്ക് സമീപം മാലിന്യം തള്ളിയ ആളെ നാട്ടുകാർ പിടികൂ
![](https://i0.wp.com/thodupuzhavartha.in/wp-content/uploads/2022/02/images-6.jpeg?resize=692%2C443&ssl=1?v=1643810017)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ഇടവെട്ടി: കാരിക്കോട്-കുന്നം റോഡിൽ തൊണ്ടിക്കുഴയ്ക്ക് സമീപം മാലിന്യം തള്ളിയ ആളെ നാട്ടുകാർ പിടികൂടി. പിഴയായി പഞ്ചായത്ത് അധികൃതരെത്തി 10,000 രൂപ ചുമത്തി. കഴിഞ്ഞദിവസവും ഇവിടെ വലിയ തോതിൽ മാലിന്യം തള്ളിയിരുന്നു. പിന്നീട് പഞ്ചായത്ത് അധികൃതർ ഇടപെട്ടാണ് ഇത് നീക്കിയത്.
ഇന്നലെ രാവിലെയാണ് ചാക്കിൽ കെട്ടിയ നിലയിൽ ബേക്കറി മാലിന്യവും പായ്ക്കിംഗ് കവറുമടങ്ങുന്ന മാലിന്യം റോഡിൽ കണ്ടെത്തിയത്. പ്രദേശവാസികൾ കെട്ടഴിച്ച് പരിശോധിച്ചപ്പോൾ വാടക ചീട്ട് ലഭിച്ചു. ഇതോടെ ആളെ വിളിച്ചുവരുത്തി മാലിന്യം നീക്കുകയും 10,000 രൂപ പിഴയിടുകയും ചെയ്തു. തൊടുപുഴ പോലീസും സ്ഥലത്തെത്തിയിരുന്നു.
കുമ്മംകല്ലിലെ ഒരു ബേക്കറിയുടമയാണ് മാലിന്യം തള്ളിയത്. അടുത്തിടെ ഇടവെട്ടി വനത്തിൽ മാലിന്യം തള്ളിയ സംഭവത്തിലും ആളെ പിടികൂടി പിഴയിട്ടിരുന്നു.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)