മുഖ്യമന്ത്രി പിണറായി വിജയൻ ഈ മാസം 23 ന് അമേരിക്കയിലേക്കു പോകും
തിരുവനന്തപുരം: തുടർചികിത്സയ് ക്കായി മുഖ്യമന്ത്രി പിണറായി വിജയൻ ഈ മാസം 23 ന് അമേരിക്കയിലേ ക്കു പോകും. മിനസോട്ടയിലെ മയോ ക്ലിനിക്കിലാണു ചികിത്സ.
2018 ലാണ് മുഖ്യമന്ത്രി ആദ്യമായി ചികിത്സയ്ക്കു പോയത്. ഈ വർഷം ജനുവരി 11 മുതൽ 26 വരെയും അദ്ദേഹം അമേരിക്കയിൽ പോയിരുന്നു.അടുത്ത മാസം 10 -വരെയാണ് മുഖ്യമന്ത്രി വിദേശകാര്യമന്ത്രാലയത്തിന്‍റെ യാത്രാനുമതി തേടിയിരിക്കുന്നത്.
ജനുവരിയിൽ മയോ ക്ലിനിക്കിൽ നടത്തിയ ചികിത്സയ്ക്കു പണം അനുവദിച്ചുള്ള ഉത്തരവ് ഇന്നലെ പുതുക്കി ഇറക്കി. 29.82 ലക്ഷം രൂപയാണ് അനുവദിച്ചത്. ഈ മാസം 13 ന് തുക അനുവദിച്ച് പൊതുഭരണ വകുപ്പ് ഇറക്കിയ ഉത്തരവിൽ പിശകുണ്ടായതിനെത്തുടർന്ന് റദ്ദാക്കിയിരുന്നു.
