തൊടുപുഴ: വിവിധ സ്ഥലങ്ങളിൽ മൈക്ക് സെറ്റ് ഉപയോഗിച്ച വകയിൽ പണം നൽകിയില്ലെന്ന്‌ പരാതി. മുട്ടം എസ്എൻഡിപി ശാഖാംഗമായ മുരളീധരനാണ് തൊടുപുഴ ഡിവൈഎസ്പിക്ക് പരാതി നൽകിയിരിക്കുന്നത്. 1,54,150 രൂപ ലഭിക്കാനുണ്ടെന്നാണ് ഇദ്ദേഹം പരാതിയിൽ പറയുന്നത്. എസ്എൻഡിപി തൊടുപുഴ യൂണിയനിൽനിന്നാണ് പണം ലഭിക്കാനുള്ളതെന്ന് ഇദ്ദേഹം പറയുന്നു. എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനും വൈസ് പ്രസിഡന്‍റ് തുഷാറിനും പരാതി നൽകിയിട്ടുണ്ടെന്നും മുരളീധരൻ പറഞ്ഞു.
