തൊടുപുഴ കേന്ദ്രീകരിച്ചു പ്രവര്‍ത്തിക്കുന്ന ഡി -കെയര്‍ മൂന്നു കുടുംബങ്ങള്‍ക്ക് വീടുകള്‍ നിര്‍മിച്ച്‌ നല്‍കുന്നു
തൊടുപുഴ: കോവിഡ് പ്രതിസന്ധി കാലഘട്ടത്തില്‍ ഭവനരഹിതരായ മൂന്നു കുടുംബങ്ങള്‍ക്ക് തൊടുപുഴ കേന്ദ്രീകരിച്ചു പ്രവര്‍ത്തിക്കുന്ന ഡി -കെയര്‍ വീടുകള്‍ നിര്‍മിച്ച്‌ നല്‍കുന്നു.കുമാരമംഗലം പാറയ്ക്കു സമീപം നിര്‍മിച്ചുനല്‍കുന്ന വീടുകളുടെ ആശീര്‍വാദവും താക്കോല്‍ ദാനവും ഇന്ന് വെകുന്നേരം നാലിന് നടക്കും.
വിന്‍സെന്‍ഷ്യന്‍ സഭ ജനറല്‍ ഫാ. ജോണ്‍ കണ്ടത്തിങ്കര വീടുകളുടെ വെഞ്ചരിപ്പും ആശീര്‍വാദവും നിര്‍വഹിക്കും. തൊടുപുഴ സ്നേഹദീപം ട്രസ്റ്റി കണ്ടിരിക്കല്‍ മാത്യു കണ്ടിരിക്കല്‍, ഫാ. തോമസ് തെക്കേമുറി, ഡി -കെയര്‍ പ്രസിഡന്‍റ് ജൂബി ഐസക്, സെക്രട്ടറി പി.ജെ. ജോസ് എന്നിവരുടെ നേതൃത്വത്തിലായിരുന്നു വീടുനിര്‍മാണം.
തൊടുപുഴയില്‍ വിവിധ മേഖലകളില്‍ പ്രവര്‍ത്തിക്കുന്നവര്‍ ചേര്‍ന്ന് 2018ല്‍ പ്രവര്‍ത്തനം തുടങ്ങിയ ഡി-കെയര്‍ പ്രളയക്കെടുതിയില്‍ ബുദ്ധിമുട്ട് അനുഭവിച്ചവര്‍ക്ക് ആശ്വാസം പകര്‍ന്നാണ് പ്രവര്‍ത്തനം ആരംഭിച്ചത്.
