പാൽ ഒഴികെയുള്ള ക്ഷീര ഉത്പന്നങ്ങൾക്ക് മിൽമ വില വർധിപ്പിച്ചു.
![](https://i0.wp.com/thodupuzhavartha.in/wp-content/uploads/2022/07/images-1.png?resize=300%2C157&ssl=1?v=1658117759)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: പാൽ ഒഴികെയുള്ള ക്ഷീര ഉത്പന്നങ്ങൾക്ക് മിൽമ വില വർധിപ്പിച്ചു. പാക്കറ്റിലുള്ള പാലുത്പന്നങ്ങൾക്ക് അഞ്ച് ശതമാനം ജിഎസ്ടി നിലവിൽ വന്ന സാഹചര്യത്തിൽ വില വർധന ഇന്നു പ്രാബല്യത്തിലാകും. തൈരിന് അര ലിറ്ററിന് മൂന്നു രൂപയാണു വർധിക്കുക. അര ലിറ്റർ തൈരിന് 27 രൂപ ആയിരുന്നത് 30 രൂപ ആയി ഉയരും. 200 ഗ്രാം കപ്പ് തൈരിന് 28 രൂപ ആയിരുന്നത് 30 രൂപയായും 400 ഗ്രാം കപ്പിന് 54 രൂപ ആയിരുന്നത് 60 രൂപയായും വർധിക്കും. സംഭാരത്തിന്റെ അളവ് കുറച്ചു 10 രൂപയിൽ നിലനിർത്തും.
ലസിക്ക് വിലകൂട്ടാതെ അളവിൽ കുറവു വരുത്തി വില പഴയതുപോലെ നിലനിർത്തും. 200 മില്ലിഗ്രാം ലസിക്ക് 20 രൂപയായിരുന്നത് ഇനി 180 ഗ്രാമിന് വില 20 രൂപ ആയിരിക്കും.
നിലവിൽ കടകളിൽ ശേഖരിച്ചിട്ടുള്ളവയ്ക്ക് പാക്കറ്റിലുള്ള വില നൽകിയാൽ മതിയാകും. എന്നാൽ, ഇന്നു മുതൽ പാക്ക് ചെയ്യുന്നവയിൽ പുതുക്കിയ വില രേഖപ്പെടുത്തിയാകും വിൽപനയ്ക്ക് എത്തിക്കുക.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)