ജില്ലാ പഞ്ചഗുസ്തി ചാമ്പ്യൻഷിപ്പ് ഇന്ന് തൊടുപുഴയിൽ
![](https://i0.wp.com/thodupuzhavartha.in/wp-content/uploads/2022/08/IMG_20220826_191822.jpg?resize=780%2C470&ssl=1?v=1661521731)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ജില്ലാ പഞ്ചഗുസ്തി ചാമ്പ്യൻഷിപ്പ് ഇന്ന് തൊടുപുഴയിൽ നടക്കു൦. മുനിസിപ്പൽ മൈതാനിയിൽ രാവിലെ ഒൻപതിന് ഭാരനിർണയത്തോടെ ആരംഭിക്കുന്ന മത്സരം 11നു ജില്ലാ പോലീസ് മേധാവി വി.യു. കുര്യാക്കോസ് ഉദ്ഘാടനം ചെയ്യും. ജില്ലയിലെ 25-ഓളം ക്ലബ്ബുകളിൽനിന്നും സ്കൂളുകളിൽനിന്നും 250ൽപരം പേർ പങ്കെടുക്കും. ഒക്ടോബറിൽ നടക്കുന്ന സംസ്ഥാന ചാന്പ്യൻഷിപ്പിലേക്കുള്ള താരങ്ങളെ ഈ മൽസരത്തിൽനിന്നു തെരഞ്ഞെടുക്കും.
ശരീരഭാരത്തിന്റെ അടിസ്ഥാനത്തിൽ വിവിധ ക്ലാസുകളിലായി നടക്കുന്ന മത്സരങ്ങളിൽ പുരുഷ, വനിത, അംഗപരിമിത മത്സരങ്ങളുമുണ്ടാകും. സ്പോർട്സ് കൗണ്സിൽ അംഗീകാരത്തോടെ പ്രവർത്തിക്കുന്ന കായിക ഇനമായ പഞ്ചഗുസ്തിയിൽ വിജയിക്കുന്നവർക്ക് ഗ്രേസ് മാർക്ക് ലഭിക്കുന്നുണ്ട്. സംസ്ഥാനത്തെ പ്രതിനിധീകരിച്ച് ജില്ലയിൽനിന്നു ദേശീയ ചാമ്പ്യൻഷിപ്പിൽ മെഡലുകൾ കരസ്ഥമാക്കിയ താരങ്ങളെ ചടങ്ങിൽ ആദരിക്കും. രാത്രി 7.30നു മാത്യു കുഴൽനാടൻ എംഎൽഎ സമ്മാനദാനം നിർവഹിക്കും.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)