തൊടുപുഴ: വണ്ണപ്പുറം ഗ്രാമ പഞ്ചായത്തിലെ പട്ടയക്കുടി – വഞ്ചിക്കല്‍ റോഡിന്റെ നിര്‍മാണത്തിന് മൂന്നു കോടി രൂപയുടെ പുതുക്കിയ ഭരണാനുമതി പൊതുമരാമത്ത് വകുപ്പില്‍ നിന്നും ലഭിച്ചതായി പി.ജെ ജോസഫ് എം.എല്‍.എ അറിയിച്ചു. നെയ്യശേരി – തോക്കുമ്പന്‍സാഡില്‍ റോഡിന്റെ ഭാഗമായി കരിമണ്ണൂര്‍ മുതല്‍ പട്ടയക്കുടി വരെയുള്ള ഭാഗത്തെ റോഡിന്റെ നിര്‍മാണ പ്രവര്‍ത്തനങ്ങള്‍ കെ.എസ്.ടി.പി യുടെ നേതൃത്വത്തില്‍ തുടങ്ങിയിട്ടുണ്ട്. പട്ടയക്കുടി മുതല്‍ വഞ്ചിക്കല്‍ വരെയുള്ള ഭാഗവും ഉടന്‍ ടെണ്ടര്‍ ചെയ്തു നടപ്പാക്കുമെന്നും പി.ജെ ജോസഫ് പറഞ്ഞു
