ശുദ്ധ ജലവിതരണ പൈപ്പു പൊട്ടി വെള്ളം പാഴാകുന്നു
തൊടുപുഴ: ശുദ്ധ ജലവിതരണ പൈപ്പു പൊട്ടി ദിവസേന ആയിരക്കണക്കിനു ലിറ്റർ വെള്ളം പാഴായിട്ടും ജല അഥോറിറ്റിയ്ക്ക് നിസംഗത. കരിമണ്ണൂർ സെന്റ് മേരീസ് പള്ളിയ്ക്കും പഞ്ചായത്ത് ഓഫീസിനു മുന്നിലാണ് പൈപ്പു പൊട്ടി കുടിവെള്ളം പാഴാകുന്നത്. കാലങ്ങളായി ഈ ഭാഗത്ത് പൈപ്പ് പൊട്ടിയൊഴുകാൻ തുടങ്ങിയിട്ട്. കടുത്ത ശുദ്ധജലക്ഷാമം നേരിടുന്പോഴും വെള്ളം ഇത്തരത്തിൽ പാഴാകുന്നുണ്ട്. പൈപ്പു പൊട്ടി വെള്ളം പാഴാകുന്നത് നാട്ടുകാർ ജല അഥോറിറ്റി അധികൃതരെ പല തവണ അറിയിച്ചിട്ടുണ്ട്. എന്നാൽ ഇക്കാര്യത്തിൽ യാതൊരു നടപടിയും സ്വീകരിക്കാൻ അധികൃതർ തയാറായിട്ടില്ല. പൈെപ്പു പൊട്ടി വെള്ളം പാഴാകുന്നതിനു പുറമെ ഇവിടുത്തെ വെള്ളമൊഴുക്ക് കാൽനടയാത്രക്കാർക്കും വ്യാപാരികൾക്കും ബുദ്ധിമുട്ടുണ്ടാക്കുന്നുമുണ്ട്.