തൊമ്മൻകുത്ത്: കനത്ത മഴയെത്തുടർന്ന് മലയിഞ്ചി കീഴാർകുത്തിന് സമീപം ഉരുൾപൊട്ടി. തേൻമാരി കുത്തിന് അടിഭാഗത്തു നിന്നാണ് ഉരുൾ പൊട്ടിയൊഴുകിയത്. തിങ്കളാഴ്ച രാത്രി പത്തോടെയാണ് ഉരുൾപൊട്ടൽ ഉണ്ടായത്. തുടർന്ന് ശക്തമായ മലവെള്ളപ്പാച്ചിലുണ്ടായി. വേളൂർ, തൊമ്മൻകുത്ത് ചപ്പാത്തുകൾ പൂർണമായും വെള്ളത്തിൽ മുങ്ങി. ചപ്പാത്തിൽ തടിയും ചപ്പുചവറുകളും വന്നടിഞ്ഞതോടെ ഗതാഗതവും തടസപ്പെട്ടു. മലയിഞ്ചിയിൽ ഒരു വീടിൻറെ മുറ്റംവരെ വെള്ളം ഉയർന്നു. വ്യാപകമായ തോതിൽ കൃഷിനാശവുമുണ്ടായിട്ടുണ്ട്.
