തൊടുപുഴ: കേരള അഗ്രികള്‍ച്ചറല്‍ ടെക്നിക്കല് സ്റ്റാഫ് അസോസിയേഷന്‍ ജില്ലാ കണ്‍വന്‍ഷന്‍ 31 ന് തൊടുപുഴയില്‍. പങ്കാളിത്ത പെന്‍ഷന്‍ പിന്‍വലിച്ച് പഴയ പെന്‍ഷന്‍ പുന:സ്ഥാപിക്കുക, സിവില്‍ സര്‍വീസിന്റെ സംരക്ഷണം ഉറപ്പു വരുത്തുക, അഴിമതിക്കെതിരെ ജനങ്ങളും ജീവനക്കാരും ഒന്നിക്കുക, ഫെഡറലിസത്തെയും ഭരണഘടനയേയും തകര്‍ക്കുന്ന കേന്ദ്ര സര്‍ക്കാര്‍ നയങ്ങള്‍ തിരുത്തുക തുടങ്ങി മുദ്രാവാക്യങ്ങള്‍ ഉയര്‍ത്തി ജോയിന്റ് കൗണ്‍സില്‍ ആഭിമുഖ്യത്തില്‍ നവംബര്‍ 1 ന് കാസര്‍കോഡ് ആരംഭിച്ച് ഡിസംബര്‍ 7 ന് തിരുവനന്തപുരത്ത് സമാപിക്കുന്ന സിവില്‍ സര്‍വീസ് സംരക്ഷണ കാല്‍നട യാത്ര വിജയത്തിനായാണ ജില്ലാ കണ്‍വന്‍ഷന്‍ 31 ന് ഉച്ചക്ക് 2 ന് തൊടുപുഴ ജോയിന്റ് കൗണ്‍സില്‍ എംപ്ലോയീസ് ഹാളില്‍ നടക്കും. നവംബര്‍ 20,21 തീയതികളിലാണ് ജില്ലയില്‍ സിവില്‍ സര്‍വീസ് സംരക്ഷണയാത്ര പര്യടനം നടത്തുന്നത്. കണ്‍വെന്‍ഷന്‍ കെ.എ.റ്റി.എസ്.എ സംസ്ഥാന ജനറല്‍ സെക്രട്ടറി സി.അനീഷ്‌കുമാര്‍ ഉദ്ഘാടനം ചെയ്യും. ജില്ലാ പ്രസിഡന്റ് പി.റ്റി.വിനോദ് അധ്യക്ഷത വഹിക്കും.
