Kerala
അറബിക്കടലില് ന്യൂനമര്ദ്ദം രൂപപ്പെട്ടു, ജനുവരി മൂന്ന് വരെ മഴ
തിരുവനന്തപുരം: തെക്കു കിഴക്കന് അറബിക്കടലില് ന്യൂനമര്ദ്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ് മുന്നറിയിപ്പ്. അടുത്ത 48 മണിക്കൂറില് പടിഞ്ഞാറു-വടക്കു പടിഞ്ഞാറു ദിശയില് സഞ്ചരിക്കുന്ന ന്യൂനമര്ദ്ദം തെക്കന് അറബിക്കടലില് മധ്യഭാഗത്തായി ശക്തി പ്രാപിച്ചു ശക്തികൂടിയ ന്യൂനമര്ദ്ദമായി മാറാന് സാധ്യത എന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
അറബിക്കടലിലെ ന്യൂനമര്ദ്ദത്തിന്റെയും കിഴക്കന് കാറ്റിന്റെയും സ്വാധീനത്തില് ഡിസംബര് 30 മുതല് ജനുവരി 3 വരെ തെക്കന് കേരളത്തില് മിതമായ ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്.