ChuttuvattomThodupuzha
വൈദ്യുതി ചാര്‍ജ് വര്‍ധന: കോണ്‍ഗ്രസ് ബ്ലോക്ക് കമ്മിറ്റി മാര്‍ച്ച് സംഘടിപ്പിച്ചു.
തൊടുപുഴ: വൈദ്യുതിചാർജ് വർധനയിൽ പ്രതിഷേധിച്ച് കോൺഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ തൊടുപുഴ വൈദ്യുതി ഭവനിലേക്ക് മാർച്ച് നടത്തി. കെപിസിസി ജനറൽ സെക്രട്ടറി എസ്.അശോകൻ ഉദ്ഘാടനം ചെയ്തു. വൈദ്യുതിചാർജ് വർധന ആസൂത്രിത കൊള്ളയാണ്. കേരളത്തിൽ വൈദ്യുതി ക്ഷാമം ഉണ്ടെന്ന് വരുത്തി തീർത്ത് അന്യസംസ്ഥാനങ്ങളിൽ നിന്നും വൈദ്യുതി വാങ്ങുന്നതിനാണ് പിണറായി സർക്കാരിൻറെ ഗൂഢ ലക്ഷ്യം. ഇതിനു പിന്നിൽ വൻ അഴിമതിയാണ് ലക്ഷ്യമിടുന്നതെന്നും അശോകൻ പറഞ്ഞു. ബ്ലോക്ക് കോൺഗ്രസ് കമ്മിറ്റി പ്രസിഡൻറ് പി.ജെ. അവിര അധ്യക്ഷത വഹിച്ചു. എൻ.ഐ.ബെന്നി, ജോൺ നെടിയപാല തുടങ്ങിയവർ പ്രസംഗിച്ചു.
