തിരുവനന്തപുരം: എസ്എസ്എൽസി പരീക്ഷാഫലം വിദ്യാഭ്യാസമന്ത്രി വി. ശിവൻകുട്ടി പ്രഖ്യാപിച്ചു. 99.26 ശതമാനമാണ് വിജയം. 44363 വിദ്യാർഥികൾ എല്ലാ വിഷയത്തിനും എ പ്ലസ് നേടി. പിആർഡി ചേംബറിൽ നടന്ന വാർത്താസമ്മേളനത്തിലാണ് മന്ത്രി ഫലം പ്രഖ്യാപിച്ചത്.
കൂടുതൽ വിജയശതമാനമുള്ള റവന്യൂ ജില്ല കണ്ണൂർ (99.76 ശതമാനം) ആണ്. കുറവ് വയനാടും (98.07 ശതമാനം). എസ്എസ്എൽസി ഫലത്തോടൊപ്പം ടിഎച്ച്എസ്എൽസി, ടിഎച്ച്എസ്എൽസി (ഹിയറിംഗ് ഇംപേർഡ്), എസ്എസ്എൽസി (ഹിയറിംഗ് ഇംപേർഡ്), എഎച്ച്എസ്എൽസി എന്നീ പരീക്ഷകളുടെ ഫലവും പ്രഖ്യാപിച്ചു.
