വെള്ളിയാമറ്റം: വെള്ളിയാമറ്റം-കാഞ്ഞാര്‍ റോഡില്‍ കലുങ്കി‍ന്‍െറ ഒരുഭാഗം ഇടിഞ്ഞ് അപകടാവസ്ഥയില്‍. കാവാലം സിറ്റിയിലെ കലുങ്കി‍ന്‍െറ ഒരുവശമാണ് ഇടിഞ്ഞ് ഏതുസമയവും അടര്‍ന്നുവീഴാവുന്ന നിലയിലുള്ളത്.2018ലെ മഴക്കാലത്താണ് കെട്ടി‍ന്‍െറ ഭാഗത്ത്‌ വിള്ളല്‍ ഉണ്ടായത്. പിന്നീട് ഈ വിള്ളല്‍ വലുതാവുകയും കുറച്ചുഭാഗം ഇടിയുകയുമായിരുന്നു. ഇടിഞ്ഞിരിക്കുന്ന ഭാഗം കാടുകയറി മൂടിക്കിടക്കുന്നതിനാല്‍ ഇതുവഴി കടന്നുപോകുന്ന വാഹനങ്ങള്‍ക്ക് അപകട സാധ്യത മനസ്സിലാക്കാന്‍ കഴിയില്ല. അപകട സൂചന ഫലകവുമില്ല. എതിരെ വരുന്ന വാഹനങ്ങള്‍ക്ക് ഇവിടെവെച്ച്‌ അരികു നല്‍കിയാല്‍ വാഹനം തോട്ടിലേയ്ക്ക് മറിയും. റോഡിലെ അപകടാവസ്ഥ പരിഹരിക്കാന്‍ നടപടി സ്വീകരിക്കാന്‍ പൊതുമരാമത്ത് വകുപ്പ് തയാറാകണമെന്ന് നാട്ടുകാര്‍ ആവശ്യപ്പെട്ടു.
ഫോട്ടോ…കാഞ്ഞാര്‍ വെള്ളിയാമറ്റം റൂട്ടില്‍ കാവാലം സിറ്റിയിലെ അപകടാവസ്ഥയിലായ കലുങ്ക്
