തൊടുപുഴ: ബസിൽ കുഴഞ്ഞ് വീണ യാത്രക്കാരിയെ ജീവനക്കാരും യാത്രക്കാരും ചേർന്ന് അതേ ബസ്സിൽ ആശുപത്രിയിൽ എത്തിച്ചു. തൊടുപുഴ-മലയിഞ്ചി റൂട്ടിൽ സർവ്വീസ്
നടത്തുന്ന സ്വകാര്യ ബസിലാണ് യാത്രക്കാരി കുഴഞ്ഞുവീണത്. ശനിയാഴ്ച രാവിലെ 11.45-ന് കുന്നത്ത് നിന്ന കയറിയ ബീന എന്ന യാത്രക്കാരിക്കാണ് മങ്ങാട്ടുകവലയ്ക്ക് സമീപത്ത് എത്തിയപ്പോൾ ദേഹാസ്വാസ്ഥ്യം അനുഭവപ്പെട്ടത്. ബസ് ഉടമ അൽത്താഫും ഡ്രൈവർ ജിഷിലും കണ്ടക്ടർ അക്ഷയും ചേർന്ന് യാത്രക്കാരുമായി ബസ് തൊടുപുഴ ജില്ലാ ആശുപത്രിയിലേക്ക് കൊണ്ടുപോകുകയായിരുന്നു. ജില്ലാ ആശുപത്രിയിലെ ചികിത്സയിൽ ബീനയുടെ ആരോഗ്യ നില മെച്ചപ്പെട്ടു. തുടർന്ന് വിദഗ്ദ ചികിത്സക്കായി എറണാകുളത്തെ ആശുപത്രിയിലേക്ക് കൊണ്ടുപോയി. കോലഞ്ചേരിയിലെ ആശുപത്രിയിലേക്ക് പോകുന്നതിനിടെയാണ് ബീനയ്ക്ക് ദേഹാസ്വാസ്ഥ്യം അനുഭവപ്പെട്ടത്.
