ശ്രീറാം വെങ്കിട്ടരാമന്റെ നിയമനം: പ്രതിഷേധ ജ്വാല തെളിയിച്ചു
![](https://i0.wp.com/thodupuzhavartha.in/wp-content/uploads/2022/07/WhatsApp-Image-2022-07-31-at-7.25.57-AM.jpeg?resize=613%2C345&ssl=1?v=1659248775)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: മാധ്യമപ്രവർത്തകൻ കെ.എം. ബഷീറിനെ വാഹനമിടിച്ച് കൊലപ്പെടുത്തിയ കേസിലെ ഒന്നാം പ്രതി ഐഎഎസ് ഉദ്യോഗസ്ഥൻ ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടറായി നിയമിച്ച സർക്കാർ നടപടി പിൻവലിക്കണമെന്നാവശ്യപ്പെട്ട് കേരള പത്രപ്രവർത്തക യൂണിയൻ ഇടുക്കി ജില്ലാ ഘടകത്തിന്റെ നേതൃത്വത്തിൽ തൊടുപുഴയിൽ പ്രതിഷേധ പ്രകടനം നടത്തി. തുടർന്നു ഗാന്ധി സ്ക്വയറിൽ പ്രതിഷേധജ്വാല തെളിയിച്ചു. പ്രസിഡന്റ് സോജൻ സ്വരാജിന് മുൻ പ്രസിഡന്റ് ഹാരീസ് മുഹമ്മദ് ജ്വാല തെളിച്ച് കൈമാറി ഉദ്ഘാടനം നിർവഹിച്ചു. സെക്രട്ടറി ജെയ്സ് വാട്ടപ്പിളളിൽ സ്വാഗതവും വൈസ് പ്രസിഡന്റ് അഫ്സൽ ഇബ്രാഹിം നന്ദിയും പറഞ്ഞു. ട്രഷറർ വിൽസണ് കളരിക്കൽ, കമ്മിറ്റിയംഗം പി.കെ.എ. ലത്തീഫ്, അഖിൽ സഹായി, സിജോ വർഗീസ്, ആൽബിൻ രാജ്, സിജിത്ത് പയ്യന്നൂർ, ഷെഫീഖ് ബിൻ മുഹമ്മദ്, വിനു പി. ശശി, സി.എം. ഹുസൈൻ തുടങ്ങിയവർ നേതൃത്വം നൽകി.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)