ഇ – പോസ് മെഷീൻ സ്ഥാപിച്ചതിനുശേഷം തുടർച്ചയായി റേഷൻ വിതരണത്തിലുണ്ടാകുന്ന തകരാർ പരിഹരിക്കണമെന്ന് കേരള കോണ്ഗ്രസ് ( ജേക്കബ്)
![](https://i0.wp.com/thodupuzhavartha.in/wp-content/uploads/2023/05/images-36.jpeg?resize=701%2C437&ssl=1?v=1682957779)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ഇ – പോസ് മെഷീൻ സ്ഥാപിച്ചതിനുശേഷം തുടർച്ചയായി റേഷൻ വിതരണത്തിലുണ്ടാകുന്ന തകരാർ പരിഹരിക്കണമെന്ന് കേരള കോണ്ഗ്രസ് -ജേക്കബ് ജില്ലാക്കമ്മിറ്റി ആവശ്യപ്പെട്ടു. മൂന്നു ദിവസത്തോളം കടകൾ പൂർണമായും അടച്ചിടേണ്ട സാഹചര്യമാണ് ഉണ്ടായത്. തകരാർ പരിഹരിച്ചെന്ന് ഭക്ഷ്യ മന്ത്രി പറഞ്ഞതിനുശേഷം കടകൾ തുറന്നെങ്കിലും പല സ്ഥലങ്ങളിലും റേഷൻ വിതരണം താറുമാറായി.
കർഷകരും തോട്ടം തൊഴിലാളികളും ഉൾപ്പെടെ ആയിരക്കണക്കിന് കുടുംബങ്ങളുടെ ദൈനംദിന ജീവിതത്തെ പ്രതികൂലമായി ബാധിക്കുന്ന സാഹചര്യമാണുള്ളത്.
പൊതുജനങ്ങളെ സാരമായി ബാധിക്കുന്ന വിഷയത്തിൽ സർക്കാർ അടിയന്തര ഇടപെടൽ നടത്തി പ്രശ്നപരിഹാരം ഉണ്ടാക്കണമെന്നും ജില്ലാക്കമ്മിറ്റി യോഗം ആവശ്യപ്പെട്ടു. ജില്ലാ പ്രസിഡന്റ് മാർട്ടിൻ മാണി അധ്യക്ഷത വഹിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)