തൊടുപുഴ: ജില്ലയിലെ സ്‌കൂള്‍, കോളേജ് വാഹനങ്ങളുടെ സുരക്ഷാ പരിശോധന മെയ് 22, 25, 29,30 തീയതികളില്‍ വിവിധ കേന്ദ്രങ്ങളില്‍ നടക്കും. കട്ടപ്പന, കഞ്ഞിക്കുഴി, രാജമുടി , തൊടുപുഴ, വണ്ടപ്പെരിയാര്‍, ദേവികുളം, ഉടുമ്പന്‍ചോല എന്നിവിടങ്ങളിലാകും പരിശോധന. എല്ലാ സ്‌കൂള്‍ വാഹനങ്ങളും പരിശോധനയില്‍ നിര്‍ബന്ധമായും പങ്കെടുക്കേണ്ടതാണെന്ന് ഇടുക്കി റീജിയണല്‍ ട്രാന്‍സ്പോര്‍ട്ട് ഓഫീസര്‍ പി.എം ഷബീര്‍ അറിയിച്ചു. വാഹനങ്ങളുടെ സങ്കേതിക കാര്യങ്ങള്‍ക്ക് പുറമെ ജിപിഎസ്, വേഗപ്പൂട്ട് എന്നിവയുടെ പ്രവര്‍ത്തനവും വാതിലുകള്‍, സീറ്റുകള്‍ എന്നിവയും വിശദമായി പരിശോധിക്കും.
