ശ്രീനാരായണ ഗുരുവിന്റെ മഹാസമാധി ദിനാചരണം ആചരിച്ച് ജില്ല
![](https://i0.wp.com/thodupuzhavartha.in/wp-content/uploads/2022/09/WhatsApp-Image-2022-09-20-at-6.27.48-AM.jpeg?resize=780%2C448&ssl=1?v=1663652563)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ശ്രീനാരായണ ഗുരുവിന്റെ 95-ാമത് മഹാസമാധി ദിനാചരണം ജില്ലയിലെ ഏഴ് യൂണിയനുകളിലും ആചരിച്ചു. എസ്എൻഡിപി യോഗം തൊടുപുഴ, ഇടുക്കി, പീരുമേട്, നെടുങ്കണ്ടം, മലനാട്, അടിമാലി, രാജാക്കാട് യൂണിയനുകളിലെ വിവിധ ശാഖകളിലും ഗുരുക്ഷേത്രങ്ങളിലും ഗുരുമന്ദിരങ്ങളിലും ശാഖാ മന്ദിരങ്ങളിലുമായാണ് സമാധി ദിനാചരണം നടത്തിയത്. തൊടുപുഴ യൂണിയൻ പ്രതിമാ മന്ദിരത്തിൽ ഗുരു പൂജ, സമൂഹപ്രാർഥന എന്നിവ നടന്നു. ചടങ്ങിൽ യൂണിയൻ ഭാരവാഹികളും പോഷക സംഘടനാ ഭാരവാഹികളും പങ്കെടുത്തു.
കാപ്പ്, വെങ്ങല്ലൂർ, ഉടുന്പന്നൂർ, ഇളംദേശം, അരിക്കുഴ, കരിമണ്ണൂർ, കാഞ്ഞിരമറ്റം, ഈസ്റ്റ് കലൂർ, മുട്ടം, കരിങ്കുന്നം, മുള്ളരിങ്ങാട് , വണ്ണപ്പുറം, പഴയരിക്കണ്ടം, വെണ്മണി, ബാലനാട്, പുളിക്കത്തൊട്ടി, മലയിഞ്ചി, പൂമാല, പുറപ്പുഴ, കരിങ്കുന്നം, കുണിഞ്ഞി, വെള്ളംനീക്കിപ്പാറ, വഴിത്തല, കുടയത്തൂർ, ഗുരുക്ഷേത്രങ്ങളിലും കാഞ്ഞിരമറ്റം, മഞ്ഞള്ളൂർ, അറക്കുളം, മുണ്ടൻമുടി, കാളിയാർ ടൗണ്, തൊമ്മൻകുത്ത്, കാളിയാർ, കോടിക്കുളം, പെരിങ്ങാശേരി, കുളപ്പാറ, ചെപ്പുകുളം, വെള്ളാന്താനം, കുമാരമംഗലം, നാഗപ്പുഴ, കല്ലൂർക്കാട്, കലൂർ എന്നി ശാഖകളിലും ഗുരുപൂജ, സമൂഹപ്രാർഥന, പ്രഭാഷണം, അമൃത ഭോജനം എന്നിവ നടന്നു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)