പകല് ചുട്ടുപൊള്ളും, കേരളത്തില് താപനില കൂടുമെന്ന് മുന്നറിയിപ്പ്
![](https://i0.wp.com/thodupuzhavartha.in/wp-content/uploads/2024/01/download-4.jpg?resize=300%2C168&ssl=1?v=1706354216)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം : കേരളത്തില് പകല് സമയം ചുട്ടുപൊള്ളും. സംസ്ഥാനത്ത് പകല് താപനില ഉയരുമെന്ന് കേന്ദ്ര കാലാവസ്ഥ വകുപ്പ്.കേന്ദ്ര കാലാവസ്ഥ വകുപ്പിന്റെ ഔദ്യോഗിക റെക്കോര്ഡ് പ്രകാരം രാജ്യത്തു സമതല പ്രദേശങ്ങളില് കഴിഞ്ഞ ദിവസം ഏറ്റവും ഉയര്ന്ന ചൂട് രേഖപ്പടുത്തിയത് തിരുവനന്തപുരത്താണ്. 36.2 ഡിഗ്രി സെല്ഷ്യസ് ആണ് തലസ്ഥാനത്തെ താപനില. കേരളത്തില് പൊതുവെ പകല് ചൂട് കൂടി വരുകയാണെന്നും വരും ദിവസങ്ങളിലും ചൂട് ഉയരുമെന്നുമാണ് കാലാവസ്ഥാ വകുപ്പിന്റെ മുന്നറിയിപ്പ്.കഴിഞ്ഞ ഒരാഴ്ച രാജ്യത്ത് ഏറ്റവും ഉയര്ന്ന ചൂട് പുനലൂരിലാണ് രേഖപ്പെടുത്തിയത്. ജനുവരി 15 ഓടെയാണ് കേരളം ഉള്പ്പെടെയുള്ള തെക്കേ ഇന്ത്യന് സ്ഥാനങ്ങളില് നിന്ന് തുലാവര്ഷം പൂര്ണമായും പിന്വാങ്ങിയത്. തുലാം വര്ഷം പിന് മാറിയതോടെ ചൂട് കൂടാന് തുടങ്ങി. ഇതിന് ശേഷം കേരളത്തില് കാര്യമായി മഴ ലഭിച്ചിട്ടില്ല. അടുത്ത ദിവസങ്ങളിലെ കാലാവസ്ഥ പ്രവചനവും കേരളത്തിന് മഴ ലഭിക്കാനുള്ള സാധ്യത പ്രവചിക്കുന്നില്ല.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)