വണ്ണപ്പുറം: തെരുവു നായ്ക്കൾ ആടിനെ കടിച്ചു കൊന്നു. വണ്ണപ്പുറം ഒറകണ്ണി താഴത്തേക്കുടിയിൽ സാനി ജോസഫിന്റെ വീട്ടിലെ രണ്ട് ആടുകളെയാണ് കൂട്ടമായെത്തിയ നായ്ക്കൾ ആക്രമിച്ചത്. ഇന്നലെ ഉച്ച കഴിഞ്ഞ് മൂന്നോടെയാണ് സംഭവം. പത്തോളം നായ്ക്കളാണ് സംഘത്തിലുണ്ടായിരുന്നത്. ശബ്ദം കേട്ട് വീട്ടിലുള്ളവർ എത്തിയപ്പോൾ നായ്ക്കൾ ഇവരെയും ആക്രമിക്കാൻ ശ്രമിച്ചു . ഒറകണ്ണി മേഖലയിൽ തെരുവു നായ്ക്കളുടെ ശല്യം കാരണം പുറത്തിറങ്ങാൻ പോലും ഭയമാണെന്ന് നാട്ടുകാർ പറഞ്ഞു.
രാത്രിയായാൽ വിട്ടുമുറ്റവും വീടിന്‍റെ സിറ്റൗട്ടും നായ്ക്കൾ കൈയടക്കുന്ന സ്ഥിതിയാണ്. വണ്ണപ്പുറം ടൗണിലും പഞ്ചായത്തിന്‍റെ വിവിധ മേഖലകളിലും തെരുവുനായ ശല്യം രൂക്ഷമായിട്ടും പഞ്ചായത്തധികൃതർ നടപടി സ്വീകരിക്കുന്നില്ലെന്ന് നാട്ടുകാർക്ക് ആക്ഷേപമുണ്ട്.
