തൊടുപുഴയിലെ മുഴുവൻ വ്യാപാരസ്ഥാപനങ്ങളും അടച്ചിടുമെന്ന് തൊടുപുഴ മർച്ചന്‍റ്സ് അസോസിയേഷൻ ഭാരവാഹികൾ അറിയിച്ചു.
തൊടുപുഴ: വ്യാപാരി വ്യവസായി ഏകോപനസമിതി ജില്ലാ കമ്മിറ്റിയുടെയും ലാൻഡ് ഫ്രീഡം മൂവ്മെന്‍റിന്‍റെയും നേതൃത്വത്തിൽ മൂന്നിനു നടത്തുന്ന വ്യാപാരി പണിമുടക്കിനോട് അനുബന്ധിച്ച് തൊടുപുഴയിലെ മുഴുവൻ വ്യാപാരസ്ഥാപനങ്ങളും അടച്ചിടുമെന്ന് തൊടുപുഴ മർച്ചന്‍റ്സ് അസോസിയേഷൻ ഭാരവാഹികൾ അറിയിച്ചു.
നിർമാണ നിരോധനം പിൻവലിക്കുക, ഭീമമായ കെട്ടിടനികുതി, പെർമിറ്റ് ഫീസ് വർധന പിൻവലിക്കുക, വന്യജീവിശല്യത്തിന് ശ്വാശ്വത പരിഹാരം കാണുക തുടങ്ങിയ ആവശ്യങ്ങൾ ഉന്നയിച്ചു ജില്ലയിൽ നടത്തുന്ന പണിമുടക്ക് രാവിലെ ആറു മുതൽ വൈകുന്നേരം ആറു വരെയാണ്. അടിമാലിയിൽ നടക്കുന്ന സത്യഗ്രഹത്തിൽ തൊടുപുഴയിൽനിന്നുള്ള അംഗങ്ങളും പങ്കെടുക്കും.
യോഗത്തിൽ അസോസിയേഷൻ പ്രസിഡന്‍റ് അജീവ് പുരുഷോത്തമൻ അധ്യക്ഷത വഹിച്ചു. ജനറൽ സെക്രട്ടറി സജി പോൾ, കെ.എച്ച്. കനി, ആർ. രമേശ്, ആർ. ജയശങ്കർ, ജെയിൻ എം. ജോസഫ്, കെ. കെ. നവൂർകനി, ജോസ് ആലപ്പാട്ട് എവർഷൈൻ, സെയ്തുമുഹമ്മദ്, സാലി എസ്. മുഹമ്മദ്, വി. സുവിരാജ്, ബെന്നി ഇല്ലിമൂട്ടിൽ, പ്രശാന്ത് കുട്ടപ്പാസ്, പി.എം. സിയാദ്, ലാലി വിൽസണ്‍, ഗിരിജാകുമാരി തുടങ്ങിയവർ പ്രസംഗിച്ചു.
