മുട്ടം: കഞ്ചാവ് കടത്തിക്കൊണ്ട് വന്ന കേസില്‍ പ്രതികള്‍ക്ക് കഠിന തടവും പിഴയും ശിക്ഷ. വണ്ടന്‍മേട് വെയര്‍ഹൗസ് കോളനിയില്‍ താമസിക്കുന്ന സുരേഷ് (26), പ്രഭാകരന്‍ (25) എന്നിവരെയാണ് തൊടുപുഴ എന്‍.ഡി.പി.എസ് കോടതി ജഡ്ജി അനില്‍ ശിക്ഷിച്ചത്.പിഴ അടച്ചില്ലെങ്കില്‍ ഒരു വര്‍ഷം കൂടി കഠിന തടവ് അനുഭവിക്കണം. 2016 ഡിസംബര്‍ 27ന് കുമളി-മൂന്നാര്‍ റോഡില്‍ ഒന്നാം മൈലില്‍നിന്ന് മൂന്ന് കിലോ കഞ്ചാവ് കടത്തിയ കേസിലാണ് ശിക്ഷ. പ്രോസിക്യൂഷന് വേണ്ടി സ്പെഷല്‍ പബ്ലിക് പ്രോസിക്യൂട്ടര്‍ അഡ്വ. ബി. രാജേഷ് ഹാജരായി.
