ഗതാഗത വകുപ്പിന്റെ നീക്കം പ്രതിഷേധാർഹം; ചെറുകിട വ്യവസായ അസോസിയേഷൻ
![](https://i0.wp.com/thodupuzhavartha.in/wp-content/uploads/2022/10/WhatsApp-Image-2022-10-27-at-1.05.19-PM.jpeg?resize=623%2C350&ssl=1?v=1666872342)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ജില്ലയിലെ 140ഓളം ദീർഘദൂര ബസ് സർവീസുകൾ നിർത്തലാക്കാനുള്ള ഗതാഗത വകുപ്പിന്റെ നീക്കം പ്രതിഷേധാർഹമെന്ന് ചെറുകിട വ്യവസായ അസോസിയേഷൻ. ജില്ലയുടെ ടൂറിസം, വ്യവസായ, വ്യാപാര രംഗങ്ങളിൽ ഗുരുതരമായ പ്രത്യാഘാതങ്ങൾ സൃഷ്ടിക്കുന്ന നീക്കമാണ് ഇത്. ദൂരസ്ഥലങ്ങളിൽ ജോലിക്കുപോയി വരുന്ന ഇടുക്കി നിവാസികൾ തങ്ങളുടെ താമസം തന്നെ മാറാൻ നിർബന്ധിതരാകും. യാത്രാക്ലേശം രൂക്ഷമാകുന്ന സാഹചര്യമുണ്ടായാൽ ജില്ലയുടെ വികസനക്കുതിപ്പിനെ അതു സാരമായി ബാധിക്കുകയും ചെയ്യും. ബസ് വ്യവസായത്തെയും ആയിരക്കണക്കിനു ജീവനക്കാരെയും സംരക്ഷിക്കണമെന്ന് ചെറുകിട വ്യവസായ അസോസിയേഷൻ ജില്ലാ പ്രസിഡന്റ് ബേബി ജോർജ്, വൈസ് പ്രസിഡന്റ് രാജു തരണിയിൽ എന്നിവർ ആവശ്യപ്പെട്ടു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)