മുട്ടം: തുടങ്ങനാട് സർവീസ് സഹകരണ ബാങ്കിൽ മേഖല സെമിനാർ സംഘടിപ്പിച്ചു. അഖിലേന്ത്യാ സഹകരണ വാരാഘോഷത്തിന്റെ ഭാഗമായി സംഘടിപ്പിച്ച സെമിനാർ തൊടുപുഴ സഹകരണ സംഘം അസിസ്റ്റന്റ് രജിസ്ട്രാർ സി ആർ മിനി ഉദ്ഘാടനം ചെയ്തു.ബാങ്ക് പ്രസിഡന്റ്‌ സിബി ജോസ് അധ്യക്ഷത വഹിച്ചു. ഇന്ത്യ @75 സഹകരണ സംഘങ്ങളുടെ വളർച്ചയും ഭാവിയും വിഷയത്തിൽ സഹകരണ സംഘം സീനിയർ ആഡിറ്റർ യു എം ഷാജി സെമിനാറിൽ ക്ലാസ് നയിച്ചു.മേഖലയിലെ വിവിധ സഹകരണ സംഘങ്ങളിലെ ഭരണ സമിതി അംഗങ്ങൾ, ജീവനക്കാർ,സഹകാരികൾ എന്നിവർ സെമിനാറിൽ പങ്കെടുത്തു.
