കരിമണ്ണൂർ: സ്വകാര്യബസും ബൈക്കും കൂട്ടിയിടിച്ച് ഗൃഹനാഥൻ മരിച്ചു. കരിമണ്ണൂർ കുറുക്കൻകുന്നേൽ ഇന്നസെന്‍റ് (60) ആണ് മരിച്ചത്. വെള്ളിയാഴ്ച രാവിലെ 9.45-ഓടെ കരിമണ്ണൂർ പാലത്തിനു സമീപമായിരുന്നു അപകടം.
ബസും ബൈക്കും തൊടുപുഴ ഭാഗത്തേക്ക് പോകുകയായിരുന്നു. ബസിൽ തട്ടി റോഡിലേക്ക് തെറിച്ചു വീണ ബൈക്ക് ബസിന്‍റെ മുൻഭാഗത്ത് ഉടക്കി. ഏതാനും ദൂരം വിൻസന്‍റിനെ റോഡിൽ നിരക്കി മുന്നോട്ടുകൊണ്ടുപോയ ശേഷമാണ് ബസ് നിർത്തിയത്. ഓടിക്കൂടിയ നാട്ടുകാർ ഉടൻതന്നെ ഗുരുതരമായി പരിക്കേറ്റ ഇന്നസെന്‍റിനെ മുതലക്കോടം ഹോളിഫാമിലി ആശുപത്രിയിൽ എത്തിച്ചെങ്കിലും വൈകുന്നേരത്തോടെ മരിച്ചു.
ഇലക്‌ട്രീഷ്യനായി ജോലി ചെയ്തുവരികയായിരുന്നു. ഭാര്യ ഓമന. മക്കൾ:ജീന, നീതു. മരുമകൻ: അമൽ.
