മൂലമറ്റം : മൂലമറ്റം ടൗണിൽ തെരുവ് നായ ആക്രമണം. രണ്ട് പേർക്ക് കടിയേറ്റു. കഴിഞ്ഞ ദിവസം മൂലമറ്റം ഓട്ടോ സ്റ്റാന്റിന് സമീപം നിന്നവരെ തെരുവ് നായ ആക്രമിച്ചു . ഇവരെ തൊടുപുഴ ജില്ലാ ആശുപത്രിയിൽ എത്തിച്ച് ചികിത്സ നൽകി. തെരുവ് നായ്ക്ക് പേയുണ്ടോ എന്നറിയാൻ നിരീക്ഷണത്തിലാണ്. അതിരൂക്ഷമായ തെരുവ് നായ ശല്യം ഇല്ലാതാക്കാൻ അധികൃതർ അടിയന്തിരമായി ഇടപെടണം എന്ന് പ്രദേശവാസികൾ ആവശ്യപ്പെട്ടു.സ്റ്റാൻ്റിൽ ഓട്ടോറിക്ഷ ഓടിക്കുന്ന മണികുട്ടൻ,സിൻ്റോ, എന്നിവരെയാണ്‌ നായ ആക്രമിച്ചത്.
