ക്ഷേമപെന്ഷന് രണ്ടു ഗഡു ചൊവ്വാഴ്ച മുതല് വിതരണം ചെയ്യും
![](https://i0.wp.com/thodupuzhavartha.in/wp-content/uploads/2024/04/Government-sanctioned-two-more-welfare-pension.jpg?resize=780%2C450&ssl=1?v=1712484135)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം : സാമൂഹ്യസുരക്ഷ, ക്ഷേമനിധി പെന്ഷന് രണ്ടു ഗഡുകൂടി ചൊവ്വാഴ്ച മുതല് വിതരണം ചെയ്യും. 3,200 രുപവീതമാണ് ലഭിക്കുക. കഴിഞ്ഞമാസം ഒരു ഗഡു ലഭിച്ചിരുന്നു. ബാങ്ക് അക്കൗണ്ട് നമ്പര് നല്കിയിട്ടുള്ളവര്ക്ക് അക്കൗണ്ടുവഴിയും, മറ്റുള്ളവര്ക്ക് സഹകരണ സംഘങ്ങള് വഴി നേരിട്ടു വീട്ടിലും പെന്ഷന് എത്തിക്കും. 62 ലക്ഷം ക്ഷേമ പെന്ഷന് ഗുണഭോക്താക്കളില് മസ്റ്ററിംഗ് നടത്തിയ മുഴുവന് പേര്ക്കും തുക ലഭിക്കും. 6.88 ലക്ഷം പേരുടെ കേന്ദ്ര സര്ക്കാര് വിഹിതവും സംസ്ഥാനം അനുവദിച്ചിട്ടുണ്ട്. ഇവര്ക്ക് കഴിഞ്ഞ വര്ഷം ഏപ്രില് മുതല് കേന്ദ്ര സര്ക്കാര് പെന്ഷന് വിഹിതം മുടക്കിയ സാഹചര്യത്തിലാണ് കേരളം മുന്കൂറായി തുക നല്കുന്നത്.
ക്ഷേമപെന്ഷന് വൈകുന്നത് സംബന്ധിച്ച് വ്യാപകമായ വിമര്ശനങ്ങള് ഉയരുന്നതിനിടയിലാണ് സര്ക്കാര് നടപടി. പെന്ഷന് വൈകുന്നത് തെരഞ്ഞെടുപ്പില് തിരിച്ചടിയാകുമെന്ന ആശങ്ക സിപിഐ ഉള്പ്പെടെ ഇടതുമുന്നണി യോഗത്തില് പങ്കുവെച്ചിരുന്നു. പ്രതിസന്ധിക്ക് ഉത്തരവാദി കേന്ദ്രസര്ക്കാരാണെന്ന നിലപാടിലായിരുന്നു സംസ്ഥാനം. എന്നാല് കേന്ദ്രം ഫണ്ട് അനുവദിക്കാത്തതിനാലാണ് പെന്ഷന് വൈകുന്നതെന്നായിരുന്നു സര്ക്കാര് വൃത്തങ്ങളുടെ മറുപടി.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)