തൊടുപുഴയിൽ യുഡിഎഫ് പ്രതിഷേധ കാൽനട യാത്ര 31ന്
![](https://i0.wp.com/thodupuzhavartha.in/wp-content/uploads/2023/02/udf.png?resize=340%2C272&ssl=1?v=1676175116)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: പി.ജെ. ജോസഫ് എംഎൽഎയെ വീണ്ടും വ്യക്തിഹത്യ ചെയ്യുന്ന എം.എം. മണിയെ നിലയ്ക്ക് നിർത്താൻ സിപിഎം തയ്യാറാകാത്തതിൽ യുഡിഎഫ് തൊടുപുഴ മുനിസിപ്പൽ മണ്ഡലം കമ്മിറ്റി പ്രതിഷേധിച്ചു. ഡീൻ കുര്യാക്കോസ് എംപിക്കെതിരേ സിപിഎം ജില്ലാ സെക്രട്ടറി സി.വി. വർഗീസ് നടത്തുന്ന അധിക്ഷേപങ്ങളും രാഷ്ട്രീയ ലക്ഷ്യമാണെന്നും കമ്മിറ്റി അഭിപ്രായപ്പെട്ടു. ഇതിനെതിരേ ഒക്ടോബർ 31ന് ഇന്ദിരാഗാന്ധി അനുസ്മരണത്തിനുശേഷം തൊടുപുഴ ഗാന്ധിസ്ക്വയറിൽനിന്നും കുന്നം ജംഗ്ഷനിലേക്ക് പ്രതിഷേധ കാൽനട യാത്ര നടത്താൻ യോഗം തീരുമാനിച്ചു. പി.കെ. മൂസ അധ്യക്ഷത വഹിച്ചു. എൻ.ഐ. ബെന്നി, അഡ്വ. ജോസഫ് ജോണ്, അഡ്വ. ജോസി ജേക്കബ്, സുരേഷ് ബാബു, ടി.ജെ. പീറ്റർ, ചാർളി ആന്റണി, ടോമി പാലയ്ക്കൽ, റോബിൻ മൈലാടി, ജോർജ് ജോണ്, എം.എച്ച്. സജീവ്, സുരേഷ് രാജു എന്നിവർ പ്രസംഗിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)