തൊടുപുഴ: കൊലപാതകശ്രമക്കേസിൽ യുവാവിന് തടവും പിഴയും. തോപ്രാംകുടി പുത്തൻപുരയ്ക്കൽ ഷാജിയെ (47) കുത്തിക്കൊലപ്പെടുത്താൻ ശ്രമിച്ച കേസിൽ വാത്തിക്കുടി ചന്ദനപ്പിള്ളിൽ അനിൽ കുമാറി (രഞ്ചി)നെയാണ് നാലു വർഷം കഠിന തടവിനും 10000 രൂപ പിഴയടയ്ക്കാനും പിഴ ഒടുക്കിയില്ലെങ്കിൽ രണ്ടു മാസം കൂടി അധിക തടവ് അനുഭവിക്കാനും തൊടുപുഴ അസിസ്റ്റന്‍റ് സെഷൻസ് ജഡ്ജി റോഷൻ തോമസ് ശിക്ഷിച്ചത്.
2019 ഫെബ്രുവരി 14 നായിരുന്നു കേസിനാസ്പദമായ സംഭവം. തോപ്രാംകുടി -പ്രകാശ് റോഡിൽ ആലിൻചുവട് ഭാഗത്ത് വച്ച് ഷാജിയെ കത്തി ഉപയോഗിച്ച് അനിൽ കുമാർ കൊലപ്പെടുത്താൻ ശ്രമിച്ചെന്നാണ് കേസ്.
മുരിക്കാശേരി എസ്ഐ ആയിരുന്ന ഏണസ്റ്റ് ജോണ്സണാണ് അന്വേഷണം നടത്തിയത്. പ്രോസിക്യൂഷനു വേണ്ടി അഡീഷണൽ പബ്ലിക് പ്രോസിക്യൂട്ടർമാരായ എബി.ഡി.കോലോത്ത്, പി.എസ്.രാജേഷ് എന്നിവർ ഹാജരായി.
