കൂവപ്പള്ളി ഹോളി ഇമ്മാനുവേല് സി.എസ്.ഐ ചര്ച്ച് അങ്കണത്തില് പഠനോത്സവം നടത്തി
![](https://i0.wp.com/thodupuzhavartha.in/wp-content/uploads/2024/04/koovappilly-3.jpg?resize=780%2C470&ssl=1?v=1712210183)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കാഞ്ഞാര് : 2023 – 24 വര്ഷത്തെ പഠനോത്സവം കൂവപ്പള്ളി ഹോളി ഇമ്മാനുവേല് സി.എസ്.ഐ ചര്ച്ച് അങ്കണത്തില് നടത്തി. എല്.പി തലം മുതല് ഹൈസ്ക്കൂള് വരെ ഉള്ള കുട്ടികള് അവരുടെ കഴിവുകള് പ്രദര്ശിപ്പിച്ചു. കൊച്ചു കുട്ടികള് തയ്യാറാക്കിയ മിസൈലിന്റെ രൂപം മുതല് വീടുകളുടെ മോഡലുകളും, ചിരട്ട, തെര്മോകോള് , പേപ്പറുകള് തുടങ്ങിയവ ഉപയോഗിച്ച് കുട്ടികള് നിര്മ്മിച്ച സ്റ്റില് മോഡല് ഉല്പന്നങ്ങളും പ്രദര്ശിപ്പിച്ചിരുന്നു. കുട്ടികളിലെ കലാവാസന പ്രകടമാക്കുന്ന പാഠഭാഗങ്ങളുമായി ബന്ധപെട്ട ആക്ഷന് സോങുകളും , നാടകങ്ങള്, ലഘു പരീക്ഷണങ്ങള്, കുട്ടി കവിതകള് , വഞ്ചി പാട്ടുകള്, വര്ക്കിംഗ് മോഡലുകള് എന്നിവ പഠനോത്സവത്തിന് മിഴിവേകി. സ്കൂള് മാനേജര് ഫാ. കെ.ഡി സാം അധ്യക്ഷത വഹിച്ചു. വാര്ഡ് മെമ്പര് ആശാ റോജി ഉദ്ഘാടനം നിര്വഹിച്ചു.സ്കൂള് ഹെഡ്മിസ്ട്രസ് ലീന ജേക്കബ് പ്രസംഗിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)