ഏഷ്യന് ഓപ്പണ് ചെസ് ബോക്സിങ് ചാമ്പ്യന്ഷിപ്പില് വെള്ളി മെഡല് നേടിയ ആന്ജോ തോമസിന് സ്വീകരണം നല്കി
![](https://i0.wp.com/thodupuzhavartha.in/wp-content/uploads/2023/07/anjo-9.jpg?resize=780%2C470&ssl=1?v=1688963754)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കാഞ്ഞാര്: ഏഷ്യന് ഓപ്പണ് ചെസ് ബോക്സിങ് ചാമ്പ്യന്ഷിപ്പില് വെള്ളി മെഡല് നേടിയ ആന്ജോ തോമസിന് കെ. പി. എം. ആര് ക്ലബ് സ്വീകരണം നല്കി. കൊല്ക്കത്തയില് നടന്ന
ഇന്ത്യന് ഓപ്പണ് ചെസ് ബോക്സിങ് ചാമ്പ്യഷിപ്പിലും ഏഷ്യന് ഓപ്പണ് ചെസ് ബോക്സിങ് ചാമ്പ്യന്ഷിപ്പിലും 2 വെള്ളി മെഡലുകള് നേടി കെ. പി. എം. ആര് ക്ലബ് അംഗമായ ആന്ജോ തോമസ് ശ്രദ്ധേയനായി. തിരുവനന്തപുരത്ത് വച്ച് നടന്ന സ്റ്റേറ്റ് ചാമ്പ്യന്ഷിപ്പില് ചാമ്പ്യനായതിനെ തുടര്ന്നാണ് കൊല്ക്കത്തയില് നടന്ന ഇന്ത്യന് ഓപ്പണ് ചെസ് ഓപ്പണ് ചാമ്പ്യന്ഷിപ്പില് പങ്കെടുക്കുന്നത്. ഈ മത്സരത്തില് സില്വര് മെഡല് നേടിയതിനെ തുടര്ന്ന് ഇന്ത്യയെ പ്രതിനിധീകരിച്ച് ഏഷ്യന് ഓപ്പണ് ചെസ് ബോക്സിങ് ചാമ്പ്യന്ഷിപ്പിന് ഇറങ്ങിയത്. ആറു രാജ്യങ്ങള് പങ്കെടുത്ത മത്സരത്തില് ഏഴു മത്സരങ്ങളില് മാറ്റുരച്ചാണ് സില്വര് മെഡല് നേടിയത്. കാഞ്ഞാര് അറക്കുളം പഴയ പള്ളിക്ക് സമീപം പൊട്ടയില് തോമസ് – എല്സി ദമ്പതികളുടെ മകനാണ്. ക്ലബ് ഭാരവാഹികള് ഒരുക്കിയ സ്വീകരണത്തില് വെച്ച് ക്ലബ് പ്രസിഡന്റ് ഫെബിന് അഗസ്റ്റിന് മൊമെന്റോ നല്കി ആന്ജോ തോമസിനെ ആദരിച്ചു. ക്ലബ് ഭാരവാഹികളായ അനീഷ് പി.എല് , തോമസ് കിഴക്കേല്, ലിസി ജോസഫ്, സുമേഷ് എം. ആര് , തോമസ് എന് .സി , അനില് കെ . ഡാനിയേല് തുടങ്ങിയവര് പ്രസംഗിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)