പൂച്ചപ്രയിൽ യുവാവിനെ കുത്തിക്കൊലപ്പെടുത്തിയ കേസിൽ പ്രതിയെ സ്ഥലത്ത് എത്തിച്ച് തെളിവെടുപ്പു നടത്തി.
![](https://i0.wp.com/thodupuzhavartha.in/wp-content/uploads/2022/01/images-10-5.jpeg?resize=510%2C340&ssl=1?v=1643086176)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
മൂലമറ്റം: പൂച്ചപ്രയിൽ യുവാവിനെ കുത്തിക്കൊലപ്പെടുത്തിയ കേസിൽ പ്രതിയെ സ്ഥലത്ത് എത്തിച്ച് തെളിവെടുപ്പു നടത്തി. പൂച്ചപ്ര കൊല്ലംപ്ലാക്കൽ സനൽ (50) കുത്തേറ്റു മരിച്ച കേസിലെ പ്രതി ചേലപ്ലാക്കൽ അരുണിനെ (38) ആണ് ഇയാളുടെ വീട്ടിൽ എത്തിച്ച് തെളിവെടുത്തത്. സനലിനെ കുത്താൻ ആയുധവും കണ്ടെടുത്തു.
സനലിന്റെ നെഞ്ചിന് താഴെയായി ഏറ്റ കുത്താണ് മരണകാരണമായതെന്ന് പോസ്റ്റുമോർട്ടത്തിൽ വ്യക്തമായതായി പോലീസ് പറഞ്ഞു. കാഞ്ഞാർ സിഐ ഇ.കെ.സോൾജിമോൻ, പ്രൻസിപ്പൽ എസ് ഐ.ജിബിൻ തോമസ് എന്നിവരുടെ നേതൃത്വത്തിലായിരുന്നു തെളിവെടുപ്പ്.തൊടുപുഴ ഡിവൈഎസ്പി എ.ജി ലാൽ കൊലപാതകം നടന്ന അരുണിന്റെ വീട്ടിലെത്തി ഇയാളെ വിശദമായി ചോദ്യ ചെയ്തു. തെളിവെടുപ്പിനു ശേഷം പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)