തൊടുപുഴ: ജില്ലാ ലീഗല്‍ സര്‍വീസസ് അതോറിറ്റിയുടെ ആഭിമുഖ്യത്തില്‍ ജില്ലയിലാകെമാനം നടന്ന ലോക് അദാലത്തില്‍ 5935 കേസുകള്‍ തീര്‍പ്പാക്കി. ജില്ലയിലെ മജിസ്‌ട്രേറ്റ് കോടതികളില്‍ കെട്ടിക്കിടന്ന 5528 പിഴ ഒടുക്കിത്തീര്‍ക്കാവുന്ന കേസുകള്‍,10476754 രൂപയുടെ 33 എം.എ.സി. റ്റി കേസുകള്‍, മറ്റു വിവിധ കേസുകള്‍ എന്നിവയിലൂടെ 65,603,676 കോടി രൂപയുടെ വ്യവഹാരങ്ങള്‍ ആണ് തീര്‍പ്പാക്കിയത്. 7426131 രൂപ പിഴയിനത്തില്‍ ഗവണ്‍മെന്റിലേക്ക് ഈടാക്കി. ജില്ലാ ജഡ്ജി ശശി കുമാര്‍ പി.എസ് ,ജില്ലാ നിയമ സേവന അതോറിറ്റി സെക്രട്ടറി – സബ്ജഡ്ജ് ഷാനവാസ് എ എന്നിവര്‍ അദാലത്തിന് നേതൃത്വം നല്‍കി. താലൂക്ക് ആസ്ഥാനങ്ങളിലെ അദാലത്തിന് താലൂക്ക് ലീഗല്‍ സര്‍വീസസ് കമ്മിറ്റി ചെയര്‍മാന്‍മാര്‍ നേതൃത്വം നല്‍കി. അദാലത്തിന്റെ ഭാഗമായി ജില്ലയിലെ മജിസ്‌ട്രേറ്റ് കോടതികളില്‍ പിഴയടച്ച് തീര്‍ക്കാവുന്ന കേസുകള്‍ക്കായ് സ്‌പെഷ്യല്‍ സിറ്റിങ് ഏര്‍പ്പെടുത്തിയിരുന്നു.
