തൊടുപുഴ : പൗരസ്ത്യ ഭാഷാധ്യാപക സംഘടന (പിബിഎസ്) 2024-ല്‍ സര്‍വീസില്‍ നിന്നും വിരമിക്കുന്ന അംഗങ്ങള്‍ക്ക് യാത്രയയപ്പ് നല്‍കി. മുന്‍ സംസ്ഥാന പ്രസിഡന്റ് ബാബു എബ്രഹാമിന്റെ അധ്യക്ഷതയില്‍ തൊടുപുഴയില്‍ ചേര്‍ന്ന യോഗം മുന്‍ സംസ്ഥാന ഖജാന്‍ജി മാത്യു അഗസ്റ്റിന്‍ ഉദ്ഘാടനം ചെയ്തു. വിരമിക്കുന്ന അംഗങ്ങള്‍, 2024-ല്‍റിപ്പബ്ലിക് ദിന പരേഡില്‍ പങ്കെടുത്ത എന്‍സിസി കേഡറ്റ് ശിവാനന്ദ് ബി എന്നിവര്‍ക്ക് സംസ്ഥാന വൈസ് പ്രസിഡന്റ് വിനോദ് കെ.എസ് ഉപഹാരം നല്‍കി ആദരിച്ചു. എം.സി കുര്യന്‍, മേരി പോള്‍, ജെന്നി കെ.യു, ജോളി ജോസ് തുടങ്ങിയവര്‍ പ്രസംഗിച്ചു.
