ChuttuvattomThodupuzha
പി.എം.ജി.എസ്.വൈ; ജില്ലയിലെ 11 റോഡുകൾക്ക് ടെണ്ടർ നടപടികൾ പൂർത്തീകരിച്ചു:ഡീൻ കുര്യാക്കോസ് എം. പി
![](https://i0.wp.com/thodupuzhavartha.in/wp-content/uploads/2023/07/f394f01a-f429-4f39-b704-7b38d964c1d0.jpeg?resize=623%2C350&ssl=1?v=1689682442)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: കുടിയേറ്റ കാലം മുതൽ ജനങ്ങളുടെ ചിരകാല അഭിലാഷമായിരുന്നതും ജില്ലാ ആസ്ഥാന വികസനത്തിനും, തൊടുപുഴ ചെറുതോണി പട്ടണങ്ങളെ കുറഞ്ഞ ദൂരത്തിൽ ബന്ധിപ്പിക്കുവാൻ കഴിയുന്നതുമായ ഉടുമ്പന്നൂർ – കൈതപ്പാറ – 8.8 കിലോമീറ്റർ, കൈതപ്പാറ – മണിയാറൻകുടി – 9.7 കിലോമീറ്റർ ഉൾപ്പെടെ ജില്ലയിലെ 11 റോഡുകൾക്ക് പി.എം.ജി.എസ്.വൈ ഫേസ്-3 പദ്ധതിയിൽ ടെൻഡർ നടപടി പൂർത്തീകരിച്ചതായി
ഡീൻ കുര്യാക്കോസ് എം. പി അറിയിച്ചു. ജില്ലയിലെ സുപ്രധാന പ്രദേശങ്ങളെ കൂട്ടിയിണക്കുന്ന ഗ്രാമീണ റോഡുകൾ വികസന രംഗത്ത് വലിയ മുന്നേറ്റത്തിന് കാരണമായിത്തീരും. അഞ്ച് വർഷത്തെ അറ്റകുറ്റപ്പണികൾക്കുൾപ്പെടെ ഈ റോഡുകൾക്ക് തുക വകയിരുത്തിയിട്ടുണ്ട്.
ഉടുമ്പന്നൂർ-കൈതപ്പാറ-മണിയാ റൻകുടി റോഡിന് ആവശ്യമായ സ്ഥലം പരിഹാര വനവൽക്കരണ പദ്ധതിയിലൂടെ വനംവകുപ്പ് വിട്ടു നൽകിയിട്ടുണ്ട്. ഈ റോഡുകളുടെ നിർമ്മാണപ്രവർത്തികൾ നവംബർ മാസത്തോടെ ആരംഭിക്കാനാകുമെന്ന് എംപി പറഞ്ഞു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)