ChuttuvattomThodupuzha
ജയ്ഹിന്ദ് ലൈബ്രറിയുടെ നേതൃത്വത്തില് വീട്ടുമുറ്റ പുസ്തകചര്ച്ച സംഘടിപ്പിച്ചു
![](https://i0.wp.com/thodupuzhavartha.in/wp-content/uploads/2023/12/WhatsApp-Image-2023-12-29-at-8.16.09-PM.jpeg?resize=780%2C470&ssl=1?v=1703922253)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
മുതലക്കോടം: ജയ്ഹിന്ദ് ലൈബ്രറിയുടെ നേതൃത്വത്തില് 17-ാമത് വീട്ടുമുറ്റ പുസ്തകചര്ച്ച കുമാരമംഗലത്ത് അഡ്വ. നീറണാല് ബാലകൃഷ്ണന്റെ വീട്ടുമുറ്റത്ത് സംഘടിപ്പിച്ചു. ബ്ലോക്ക് പഞ്ചായത്ത് അംഗം ബിന്ദു ഷാജി ഉദ്ഘാടനം ചെയ്തു. ലൈബ്രറി ജോ: സെക്രട്ടറി ജോസ് തോമസ് അധ്യക്ഷത വഹിച്ചു.
സ്ത്രീകളും കുട്ടികളുമടക്കം നൂറിലധികം ആളുകള് പങ്കെടുത്തു.
കെ.ആര് മീരയുടെ ‘സൂര്യനെ അണിഞ്ഞ ഒരു സ്ത്രീ ‘ എന്ന നോവല് എം.എം ഷാഹുല്ഹമീദ് അവതരിപ്പിച്ചു. അനു കുമാര് തൊടുപുഴയും എസ്.വൈശാഖനും കവിതകള് അവതരിപ്പിച്ചു.
ജയ്ഹിന്ദ് ലൈബ്രറി പ്രസിഡന്റ് കെ.സി സുരേന്ദ്രന്, കലൂര്ക്കാട് ലൈബ്രറി സെക്രട്ടറിയും കെ.എസ്.ആര്.ടി.ഇ.എ മുന് സംസ്ഥാന സെക്രട്ടറിയുമായിരുന്ന ജോസ് ജേക്കബ്,പി.കെ.ശിവന് എന്നിവര് പ്രസംഗിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)