തിരുവനന്തപുരം: കേരളത്തിൽ ഇന്നു മുതൽ 21 വരെ ഒറ്റപ്പെട്ട ശക്തമായ മ‍ഴയ്ക്കും ഇടിമിന്നലിനും സാധ്യതയുണ്ടെന്നു കേന്ദ്ര കാലാവസ്ഥാ വിഭാഗം. ഈ ദിവസങ്ങളിൽ 30-40 കിലോമീറ്റർ വേഗത്തിൽ കാറ്റു വീശാനും സാധ്യതയുണ്ട്.
ജാഗ്രത പാലിക്കണമെന്നു സംസ്ഥാന ദുരന്തനിവാരണ അഥോറിറ്റിയും മുന്നറിയിപ്പ് നൽകി. വരും മണിക്കൂറുകളിൽ തിരുവനന്തപുരം, കൊല്ലം, ആലപ്പുഴ, പത്തനംതിട്ട, ഇടുക്കി, മലപ്പുറം ജില്ലകളിൽ ഒറ്റപ്പെട്ട കനത്ത മഴ പെയ്തേക്കാനും സാധ്യതയുണ്ട്.
