തൊടുപുഴ: ഗവണ്‍മെന്‍റ്, എയ്ഡഡ് വ്യത്യാസമില്ലാതെ മുഴുവൻ പ്രീ പ്രൈമറി അധ്യാപകർക്കും അംഗീകാരവും തസ്തികയും അനുവദിക്കുക, സേവന – വേതന വ്യവസ്ഥ അംഗീകരിക്കുക എന്നീ ആവശ്യങ്ങൾ ഉന്നയിച്ച് ഡിഡി ഓഫീസിനു മുന്‍പിൽ കെപിഎസ്ടിഎ ജില്ലാ കമ്മിറ്റിയുടെ ആഭിമുഖ്യത്തിൽ പട്ടിണിസമരം സംഘടിപ്പിച്ചു. സംസ്ഥാന വൈസ് പ്രസിഡന്‍റ് വി.എം. ഫിലിപ്പച്ചൻ ഉദ്ഘാടനം ചെയ്തു. ജില്ലാ പ്രസിഡന്‍റ് പി.എം. നാസർ അധ്യക്ഷത വഹിച്ചു. ധർണയിൽ പങ്കെടുത്ത പ്രീ പൈമറി അധ്യാപകർക്ക് ജില്ലാ കമ്മിറ്റിയുടെ ഓണം അലവൻസ് വിതരണം ചെയ്തു. സി.കെ. മുഹമ്മദ് ഫൈസൽ, ടി.ബി. അജീഷ് കുമാർ, അനീഷ് ജോർജ്, സുനിൽ ടി. തോമസ്, ഡയസ് സെബാസ്റ്റ്യൻ, സതീഷ് വർക്കി എന്നിവർ പ്രസംഗിച്ചു.
