തൊടുപുഴ: നിയന്ത്രണം വിട്ട കാർ ബാങ്കിനുളളിലേക്ക് ഇടിച്ചു കയറി. തൊടുപുഴ – മൂലമറ്റം റോഡിലെ സിസിലിയ ബാറിന് സമീപമുള്ള പഞ്ചാബ് നാഷണൽ ബാങ്കിനുള്ളിലേക്കാണ് കാർ ഇടിച്ച് കയറിയത്. ശനിയാഴ്ച്ച വൈകിട്ട് നാലരയോടെയാണ് അപകടം. റോഡിൻ്റെ വശത്തുള്ള സ്ഥാപനത്തിലേക്ക് തിരിയുന്നതിനിടെ നിയന്ത്രണം വിട്ട കാർ ബാങ്കിലേക്ക് ഇടിച്ച് കയറുകയായിരുന്നു. ഈ സമയം ഇതിന് സമീപം വിശ്രമിക്കുകയായിരുന്ന ലോട്ടറി
വില്‍പ്പനക്കാരന് കാറിടിച്ച് പരിക്കേറ്റു. ഇയാളെ ആശുപത്രിയിലേക്ക് മാറ്റി. സംഭവമറിഞ്ഞ് സ്ഥലത്തെത്തിയ പോലീസും ഫയർഫോഴ്സും ചേർന്നാണ് ബാങ്കിലേക്ക് പൂർണമായും കയറിയ കാർ പുറത്തെത്തിച്ചത്. ബാങ്ക് ജീവനക്കാർ ശബ്ദം കേട്ട് ഓടി മാറിയതിനാൽ ആർക്കും പരിക്കേറ്റിട്ടില്ല.
